Hadabima Authority

කෘෂිකර්ම වාරිමාර්ග, වනජීවී හා වන සම්පත් අමාත්‍ය ගරු මහින්ද අමරවීර මැතිතුමාගේ සංකල්පයකට අනුව (5)


 

කෘෂිකර්ම වාරිමාර්ග, වනජීවී හා වන සම්පත් අමාත්‍ය ගරු මහින්ද අමරවීර මැතිතුමාගේ සංකල්පයකට අනුව ශ්‍රී ලංකා හදබිම අධිකාරිය, වී අලෙවි මණ්ඩලය හා මිල්කෝ පුද්ගලික සමඟ ඒකාබද්ධව සහන මිළට සහල් හා කිරි ආශ්රිීත නිෂ්පාදන ලබා දීමේ “සේවා සත්කාර” වැඩසටහනේ සාමාරම්භක අවස්ථාව 2022-07-07 වන දින පෙ.ව 12-30 ට මාර්ගගත ක්‍රමය ඔස්සේ ආරම්භ කල අවස්ථාව.

මෙම අවස්ථාවට කෘෂිකර්ම වාරිමාර්ග, වනජීවී හා වන සම්පත් අමාත්‍ය ගරු මහින්ද අමරවීර මැතිතුමා හා වී අලෙවි මණ්ඩලයේ සභාපති නිල් අස්විස් මැතිතුමා  මාර්ගගත ක්‍රමය ඔස්සේ මෙම අවස්ථාවට සහභාගි වු අතර  මහනුවර දිස්ත්‍රික් ප්‍රධාන ලේකම් ගාමීණි රාජරත්න මැතිතුමා, මහනුවර දිස්ත්‍රික් දිසාපති චන්දන තෙන්නකෝන් මැතිතුමා, කර්මාන්ත ලේකම් උපාලි රණවක මහතා, ගඟවටකෝරලේ ප්‍රාදේශීය ලේකම් සම්පත් ජයසිංහ මැතිතුමා, පේරාදෙණිය ලංකා බැංකු ශාඛාවේ ප්‍රධාන කළමණාකරු සංජීය දිශානායක මහතා, කෘෂිකර්ම දේපාර්තමෙන්තුව හා අනුබද්ධ ආයතන, කඳුරට ගුවන් විදුලි සේවය, මිල්කෝ ආයතනය ආදි ආයතන නියෝජනය කරමින් නිලධාරින් මෙම අවස්ථාවට සහභාගි වුහ.

ශ්‍රී ලංකා හදබිම අධිකාරිය නියෝජනය කරමින් සභාපති  සරත් චන්ද්‍ර විතාන මැතිතුමා, විධායක අධ්‍යක්ෂ ඩබ්.එම්.කේ.කේ.කරුණාරත්න මැතිණිය ඇතුළු අධිකාරියේ ඉහළ කළමණාකරණය ඇතුළු

සියළුම නිලධාරින් මෙම අවස්ථාවට සහභාගී වුහ.