"සෞභාග්‍ය" දැක්ම ප්‍රතිපත්ති ප්‍රකාශය අනුව කාබනික පොහොර නිෂ්පාදනය හා ප්‍රචලිත කිරිමේ වැඩසටහනට සමගාමීව ශ්‍රී ලංකා හදබිම අධිකාරියේ ඉඩම් ඵලදායිතාව උපරිම මට්ටමකට  ගෙන ඒමේ කාබනික පොහොර නිෂ්පාදනය කිරිමේ වැඩසටහන හා සම්බන්ධ ගොවීන් හට උපකරණ කට්ටල බෙදාදීමේ උත්සවය පසුගිය දා  පසුගාමි ග්‍රාමීය ප්‍රදේශ සංවර්ධන ගෘහස්ථ සත්ත්ව පාලන, සුළු ආර්ථික බෝග වගා ප්‍රවර්ධන රාජ්‍ය අමාත්‍ය එස්.වියාලේන්ද්‍රන්  මැතිතුමාගේ ප්‍රධානත්වයෙන් මඩකලපුව, වාලච්චේන (කෝරලෙයි පත්තු) ප්‍රාදේශීය ලේකම් කාර්යාලීය ශ්‍රවණාගාරයේදී පැවැත්විණ.

මෙම අවස්ථාවට මඩකලපුව අතිරේක දිස්ත්‍රික් ලේකම් සුදර්ශණී ශ්‍රී කන්ද, ශ්‍රී ලංකා හදබිම අධිකාරියේ නියෝජ්‍ය අධ්‍යක්ෂ (සංවර්ධන) කණිෂ්ක කහපොල, සහකාර ප්‍රාදේශීය ලේකම් කේ.අමලනී , සහකාර
අධ්‍යක්ෂ (සැලසුම්) ආර්.කාන්ගදරන් ,  යන මහත්ම මහහත්මීන් හා ප්‍රාදේශීය සභා මන්ත්‍රීහු සහභාගී වුහ.  

මෙහිදි තෝරා ගන්නා ලද ගොවි පවුල් 405 දෙනෙකු සඳහා උදළු තල, තාච්චි, උදළු මුල්ලු, සවල්, රේක්ක, මල්බාල්දි ආදි උපකරණ බෙදා දෙන ලදි.  මෙම වැඩසටහන සඳහා නැගෙනහිර පළාතේ මඩකලපුව, ත්‍රිකුණාමලය, අම්පාර යන දිස්ත්‍රික්ක වල ගොවි පවුල්  7487 කට ප්‍රතිලාභ හිමිවේ.  මේ සඳහා හදබිම අධිකාරිය රුපියල් මිලියන 29 වියදම් දරයි.

ශ්‍රී ලංකා හදබිම අධිකාරියේ ක්‍රියාත්මත වැඩසටහනට සමගාමීව හම්බන්තොට දිස්ත්‍රික්කයේ ක්‍රියාත්මක බහුවිධ ආදායම් උත්පාදන වැඩසටහන සඳහා තෝරාගත් ගොවි පවුල් 93 ක් සඳහා විවිධ උපකරණ කට්ටල බෙදා දීමේ උත්සවය පසුගිය දා තිස්සමහාරාම කාන්තා සංවිධානයේ රැස්වීම් ශාලාවේදී පැවැත් විණ.

වාරිමාර්ග, රාජ්‍ය ආරක්ෂක, ස්වදේශ කටයුතු  හා අපදා කළමණාකරන රාජ්‍ය අමාත්‍ය ගරු චමල් රාජපක්ෂ මැතිතුමාගේ පෞද්ගලික ලේකම්  චන්ද්‍රා රාජපක්ෂ මැතිනියගේ ප්‍රධානත්වයෙන් මෙම උත්සවය පැවැත් වු අතර එම අවස්ථාව සඳහා ශ්‍රී ලංකා හදබිම අධිකාරියේ නියෝජ්‍ය සභාපති උපාලි බණ්ඩාර අදිත්‍ය,  විධායක අධ්‍යක්ෂ කුමුදු කරුණාරත්න යන මහත්ම මහත්මීහු හා ලුණුගම්වෙහෙර, තිස්සමහාරාමය ප්‍රාදේශීය සභාවේ සභාපතිවරු,
සහ මන්ත්‍රීහු සහභාගී වුහ.

විවිධ ක්ෂේත්‍රයන් ඔස්සේ ගොවි පවුල් ඒකකය ආදායම් උත්පාදන ව්‍යාපෘතියක් ලෙස ක්‍රියාත්මක කෙරේ.  සෙවන ශාක තුළ මල් වගාව, ඒලවළු වගාව, තවාන් පාලනය, බිම්මල් වගාව කාබනික පොහොර නිෂ්පාදන වැඩසටහන, මල් පෝච්චි සැකසීම, ආදි විෂයන් කෙරෙහි අවධානය යොමු කළ අතර සියළුම ප්‍රතිලාභීන් පුහුණු කර අවසන් කර ඇත.  මෙම ව්‍යාපෘතිය සඳහා මිලියන 8.9 ක් වියදමක් දරා ඇත.

මෙම උත්සවය හම්බන්තොට දිස්ත්‍රික්ක කළාප නිලධාරි උපේක්ෂිකා රාජපක්ෂ මිය සංවිධානය කර තිබුණි.

2022 වර්ෂය සදහා ශ්‍රී ලංකා හදබිම අධිකාරියට පහත සදහන් සැපයුම්/ සේවා/ වැඩ හා තොරතුරු පද්ධති ලබා ගැනීමට සැපයුම්කරුවන් ලියාපදිංචි කිරීම සදහා 2022-12-31 දින දක්වා රජයේ සහ පිළිගත් සැපයුම්කරුවන්ගෙන් හා කොන්ත්‍රාත්කරුවන්ගෙන් අයදුම්පත් කැදවනු ලැබේ.

1. සියළුම වර්ගයේ කාර්යාලීය ලිපි ද්‍රව්‍ය
2. සියළුම වර්ගයේ ඡායා පිටපත් යන්ත්‍ර / ප්‍රින්ටර් සදහා ටෝනර් සහ කාට්රිජ්
3. සියළුම වර්ගයේ කාර්යාලීය ගෘහභාණ්ඩ හා උපකරණ
4. සියළුම වර්ගයේ ගෘහ උපකරණ
5. සියළුම වර්ගයේ පරිගණක, ඡායා පිටපත් යන්ත්‍ර , ‍ප්‍රින්ටර්, ෆැක්ස් යන්ත්‍ර යනාදිය
6. සියළුම වර්ගයේ ශ්‍රව්‍ය හා දෘෂ්‍ය උපකරණ
7. තොරතුරු පද්ධති/මෘදුකාංග විදුලි උපාංග
8. සියළුම වර්ගයේ විදුලි උපකරණ (විදුලිපංකා, වායු සමීකරණ/ ජෙනරේටර්/ශීතකරණ යනාදිය)
9. සියළුම වර්ගයේ නාම පුවරු, ඩිජිටල් ප්‍රින්ටින්
10. නිල ඇදුම්
11. සියළුම මෝටර් වාහන සදහා අමතරකොටස්
12. සියළුම වර්ගයේ වාහන සීට් කවර හා කුෂන් කිරීම
13. සියළුම වර්ගයේ වාහන බැටරි හා යන්ත්‍ර සුත්‍ර
14. සියළුම වර්ගයේ ටයර්, ටියුබ්
15. සියළුම වර්ගයේ කෘෂි උපකරණ හා කෘෂිකාර්මික යන්ත්‍රසූත්‍ර
16. සියළුම වර්ගයේ ආරක්ෂිත ගෘහ සහ දැල් ආවරණ ගෘහ
17. සියළුම පැළ වර්ග
18. සියළුම වර්ගයේ බීජ හා රෝපණ ද්‍රව්‍ය
19. සියළුම වර්ගයේ පොහොර /කෘෂි රසායන ද්‍රව්‍ය
20. සියළුම වර්ගයේ සත්ත්ව බෙහෙත් (කුකුලන් හා ගව/ තාරාවන් සදහා)
21. සියළුම වර්ගයේ සත්ත්ව ආහාර (කුකුල් හා ගව/ තාරා ආහාර)
22. සියලුම වර්ගයේ පොලිතින් බෑග්
23. සියළුම වර්ගයේ ප්ලාස්ටික් භාණ්ඩ
24. සියළුම වර්ගයේ ගොඩනැගිලි ද්‍රව්‍ය
25. සියළුම වර්ගයේ දැව
26. ආරක්ෂක සේවා
27. පවිත්‍රතා කටයුතු
28. සියළුම වර්ගයේ උපකරණ අළුත්වැඩියාව
29. සියළුම වර්ගයේ පරිගණක, ප්‍රින්ටර් හා ඡායා පිටපත් යන්ත්‍ර අළුත්වැඩියාව හා සේවා කිරීම
30. උපදේශන සේවා
31. ප්‍රචාරණ (විද්‍යුත් හා මුද්‍රිත)
32. සියළුම වර්ගයේ වාහන අළුත්වැඩියා
33. සියළුම වර්ගයේ වාහන සේවා කිරීම/ වායු සමීකරණ / ටින්කරින් හා ස්ප්‍රේ තීන්ත ගෑම
34. ගොඩනැගිලි ඉදිකිරීම් හා අළුත්වැඩියා කිරීම් (ඉක්ටැඩ්/CIDA ලියාපදිංචිය තිබිය යුතුය)
35. සියළුම වර්ගයේ වාහන සැපයීම
36. සියළුම වර්ගයේ පිසු ආහාර හා ආහාර ද්‍රව්‍යය
37. සියළුම වර්ගයේ උත්සව භාණ්ඩ සැපයීම
38. සියළුම වර්ගයේ සනීපාරක්ෂක ද්‍රව්‍ය

ලියාපදිංචි කිරීමේ කොන්දේසි

• ලියාපදිංචිය සදහා වන, අයදුම්පත්‍රය හා කොන්දේසි ඇතුලත් විස්තර පත්‍රිකා 2021-11-12 දින සිට 2021-12-12 දින දක්වා සතියේ වැඩකරන දිනයන්හි පෙ.ව. 9.00 සිට ප.ව. 4.00 දක්වා ලබාගත හැකිය.

• සැපයුම්කරුවන් ලියාපදිංචි කිරීම සදහා ආපසු නොගෙවන රු. 1500/- ක මුදලක් පහත ලිපිනයේ මුදල් අයකැමි වෙත මුදලින්/ චෙක්පතකින් ගෙවීම් කර ලබාගත හැකි අතර, එක් අයදුම්පත්‍රයකින් ලියාපදිංචි විය හැක්කේ එක් අයිතමයක් වෙනුවෙන් පමණි. නියමිත දිනට පසුව එවනු ලබන අයදුම්පත් ප්‍රතික්ෂේප කරනු ලැබේ.

• සියළුම අයදුම්පත් 2021-12-31 දින ප.ව. 02.00 ට හෝ ඊට පෙර ලැබෙන සේ සභාපති, ශ්‍රී ලංකා හදබිම අධිකාරිය,තැ.පෙ. 09, ගන්නෝරුව පාර, පේරාදෙණිය නමින් එවිය යුතුය. අතින් ගෙනවිත් භාර දෙන්නේ නම් ප්‍රධාන කාර්යාලයේ පාලන අංශයට භාරදී,  භාර දුන් බවට රිසිට් පතක් ලබා ගත යුතුය.

• අයදුම්පත බහා එවනු ලබන ලිපි කවරයේ වම්පස ඉහළ සැපයුම්කරුවන් ලියාපදිංචි කිරීම - 2022 යනුවෙන් සදහන් කර එවිය යුතුය.

05   සියළු විමසීම් :  081-3887023/ 081-2388107/ 081-2389102 (සතියේ වැඩකරන දිනවල)

සභාපති,

ශ්‍රී ලංකා හදබිම අධිකාරිය,

තැ.පෙ. 09,ගන්නෝරුව පාර,

පේරාදෙණිය.